विवादित व्यवसायीहरुसँग गोल्डन शेयर प्रकरणले विवादित बन्दै गएका अर्थ मन्त्रालयका कर्मचारीलाई लगाममा राख्न मन्त्रालयले नयाँ आचारंहिता जारी गरेको छ । हालै जारी गरेको आचारसंहितामा कर्मचारीहरुलाई कार्यालय बाहिर सेवाग्राही नभेट्न,कुनै उपहार लिनबाट रोक लगाएको छ । अर्थ मन्त्रालयले तयार पारेको १९ बुँदे आचारसंहितामा कर्मचारीलाई लगाम लगाउने गरी यस्ता प्रावधानहरु राखिएको पाइएको छ । मन्त्रालयले सरकारी सेवालाई थप जिम्मेवार, मर्यादित र अनुशासित बनाउन अर्थ मन्त्रालय कर्मचारी आचारसंहिता, २०८३ जारी गरेको हो ।
बिज्ञापन
मन्त्रालयले कर्मचारीलाई इमान्दारिता,कर्तव्यपरायण,सदाचारिता,व्यवसायिक कार्यशैली,राजनैतिक तटस्थता,डिजिटल प्रणाली,कृतिम बौद्धिकता र सामाजिक सञ्जालको मर्यादित प्रयोग लगायतका बिषयहरु नयाँ आचारसंहितामा समेटिएको छ । विशेष गरी प्रविधि र सामाजिक सञ्जालको प्रयोगका सम्बन्धमा मन्त्रालयले थप कडाइ गरेको छ । कर्मचारीले पदीय हैसियतले प्राप्त गरेका सूचनाहरू सामाजिक सञ्जालमार्फत सार्वजनिक गर्न नपाउने, सरकारी निर्णयको गलत अर्थ लाग्ने गरी भ्रामक प्रचार गर्न नहुने र अन्य पदाधिकारीको मान–मर्यादामा आँच पुग्ने गरी व्यङ्ग्य वा टिका टिप्पणी गर्न नहुने नियम बनाइएको छ । कार्यालय समयभित्र व्यक्तिगत प्रयोजनका लागि मोबाइल वा कम्प्युटरमार्फत सामाजिक सञ्जाल चलाउन रोक लगाउँदै सरकारी कामका लागि अनिवार्य रूपमा सरकारी इमेल मात्र प्रयोग गर्न निर्देशन दिइएको छ ।
बिज्ञापन
आचारसंहितामा कर्मचारीको आचरण र व्यवहार निजामती सेवाको मूल सिद्धान्तबाट निर्देशित हुनुपर्ने र उनीहरूले राष्ट्र र जनताको बृहत्तर हितलाई सधैं सर्वोपरि राख्नुपर्ने व्यवस्था गरिएको छ ।
अनुसार कर्मचारीहरूले आफ्नो पदीय दायित्व निर्वाह गर्दा पूर्ण रूपमा राजनैतिक तटस्थता कायम गर्नुपर्नेछ । कुनै पनि राजनीतिक दल वा नेताको पक्ष वा विपक्षमा विचार व्यक्त गर्न, राजनैतिक कार्यक्रममा सहभागी हुन र व्यक्तिगत स्वार्थका लागि राजनैतिक प्रभाव वा दबाब सिर्जना गर्ने जस्ता कार्यलाई पूर्ण रूपमा निषेध गरिएको छ ।
बिज्ञापन
। यसका साथै, कर्मचारीले सेवाग्राहीसँग कार्यस्थल बाहिर भेटघाट गर्न नहुने, कुनै पनि प्रकारको उपहार वा आतिथ्यता स्वीकार गर्न नहुने र सदाचारी एवं इमान्दार भई आफ्नो जिम्मेवारी पूरा गर्नुपर्ने उल्लेख छ ।
यो आचारसंहिता पालना भए नभएको बारे मन्त्रालयका सचिव र विभागीय प्रमुखहरूबाट नियमित अनुगमनको व्यवस्था समेत गरिने उल्लेख छ ।
